لما متكونش جاية معاك حضور وعاوز تروح
"- ما تنجز يا عم!
= انت عايز ايه بالضبط؟
- انا عايز ربع جنيه وامشي :D"
يكون في حد بيتكلم بسرعة وانت مش فاهم منه حاجة او بيتكلم في كلام كبير وانت قاعد زي كيس الجوافة
"-(بيتكلم بسرعة): وانا ماشي في الطريق الزراعي
=(مقاطعا): ابلتي يا ابلتي امي بتسلم عليكي وبتقولك واحدة واحدة"
لما تتفاجئ ان صاحبتك بتستخدم حاجة معينة
"سمر: حلوة ريحة البرفان ده؟
سعد (بيتريق): بتحطى كالونيا؟ انتي حطي كالونيا؟ اخ منك اخ!"
لما حد جامد يتكسف او يتقصف جبهته
سمير: قطعتك النهارده في البلايستيشن!
علي: مرسي ابن المعلم الزناتي اتهزم يا رجالة!
لما تبقى بتاع مشاكل و انقلب السحر ع الساحر
- لما تكون بتقلب الناس و في مرة تلاقي نفسك اتقلبت = ايه يا جدعان هو الي بنعمله في الناس هيطلع علينا ولا ايه
لما حد تشوفه و متعرفهوش عشان لابس نضاره شمس مداريه وشه
قالها محمد هنيدي لامه لما كان بيتدرب علي دور فرد امن قبل المقابله
تدخل سماح علي اصحابها اللي قاعدين مستنينها و مشفوهاش من زمان وفجاه يبوصلها بستغراب .. تقلع سماح النضاره ... ايه ده معرفتكيش
- سماح: طبعا مش عارفني عشان النضاره واكله نص وشي
لغه تعبير عن مدي حبك الشديد او كرهك الشيديد لشخص ما عند ذكر اسمه
مثال ١ : هو انتي مش طايقه البت ديه والا ايه .... انا! لا ديه روحي روحي روحي
مثال ٢ :عارفه النهارده كان فرح ميين ... فرح سامي ... بجد! ... ده سامي ده روحي روحي روحي
من فيلم سمير وشهير وبهير وهم في معرض العربيات لما رجعوا للسبعينات
لما حد يكون مشكك في قدراتك
- انت متأكد؟
-هو انا تلميذ
القاموس العصري للمواطن المصري. حرنكش هو مرجع الكلمات العامية والأمثال الشعبية وافيهات الأفلام والمصطلحات الجديدة. محتوى الموقع بواسطة مستخدميه.