من مسرحية "سك على بناتك" لما ا. فتح الباب حب يتقدم لسوسو فكان بيشّكر في نفسه وبيقول ده انا جذاب وتقاطيعي مسمسة. تقاطيع وشه يعني
انت حلو انت؟
اه حلو وجذاب وتقاطيعي مسمسمة.
- الدخول لتكتب تعليقك.
ميم انتشر مؤخرا عن قطة راكبة ميكروباص مشروع للاسكندرانية وبتقول انها حتدوس اللي في طريقها.
- الدخول لتكتب تعليقك.
من كليب أحمد مكّي الجديد، قال جزئية مفيش ناس الا من الطالبية بيفهمها. و الترجمة "حاسب يفهم حاجة" بتاخد اول حرف من الكلمة التانية و تحطه مكان اول حرف من الكلمة الاولى.
- الدخول لتكتب تعليقك.
لما حد تشوفه و متعرفهوش عشان لابس نظارة شمس مدارية وشه
قالها محمد هنيدي لامه لما كان بيتدرب علي دور فرد امن قبل المقابلة
تدخل سماح علي اصحابها اللي قاعدين مستنينها و مشفوهاش من زمان وفجاه يبوصلها بستغراب .. تقلع سماح النضاره ... ايه ده معرفتكيش
- سماح: طبعا مش عارفني عشان النضاره واكله نص وشي
- الدخول لتكتب تعليقك.
لما حد مستواه متواضع يقرر يتعوج عليك أو ينكر أصله، ممكن تستخدم معاه الجملة دي.
قالها محمد هنيدي بشخصية خالتي نعيمة في مسرحية ألابندا عن أمه اللي هي بتكرهها عشان بتعاملها وحش.
- دي شيماء اتغيرت خالص حتى طريقة كلامها ولبسها.
= شكلها نسيت أصلها وهتعمل بنت ناس بنت بتاعة الجزر.
- الدخول لتكتب تعليقك.
لما حد يوصل لك معلومة عن طريق حد تاني هو واخده محل ثقة بدون أي مبرر. أصلها في فيلم صعيدي في الجامعة اﻷمريكية لما عبلة غادة عادل قالت لخلف محمد هنيدي إن سراج هاني رمزي قال لها إن أحمد فتحي عبد الوهاب متراقب من أمن الدولة.
- أنت جبت الكلام دا منين يا ابني؟
= شريف قال لي.
- وشريف دا رئيس مراجيح مولد النبي يعني؟
- الدخول لتكتب تعليقك.
من فيلم بوحة الصباح
لما تدخل على صحابك في قعدة
- الدخول لتكتب تعليقك.
لما تحب تتريق على حد مفكر انه بيتكلم انجليزي او لغة تانية وطلع مبيعرفش يتكلم اللغة دي. قالها يونس شلبي في مسرحية مدرسة المشاغبين لمرسي الزناتي لما كان عامل انه بيتكلم انجليزي
واحد بيستظرف: زس از سبارطاااااا
صاحبه: انجليزي ده يا مرسي؟
- الدخول لتكتب تعليقك.
لما تدعي علي حد مكفرك دعوة غير منطقية
لما صاحبك يقولك اديني المفاتيح انا اللي هسوق العربية... فجاه تلاقيه بياخد غرز و هوا سايق علي سرعه جنونية و مشغل الكاسيت و بيرقص معاه... تقوم انت تصوت وتقول اللهي يحلبوك مع جاموسة هبلة
- الدخول لتكتب تعليقك.
الناس اللي بتحب المشاهير اوي ولما تشوفهم بتتهبل وتنادي عليهم وتجري تبوسهم و تحضنهم فجاه كده... قالها شيكو لاحمد فهمي لما شافه في لقاء فاقتحم التصوير وقاله قولي بحبك يا شيماء في الميك
لما واحده تكون بتحب واحد بجنون و اول ميقولها صباح الخير او يديها ريق حلو تبقي هتموت و تقوله في سرها .. قولي بحبك يا شيماء في الميك
- الدخول لتكتب تعليقك.
حرنكش
القاموس العصري للمواطن المصري. حرنكش هو مرجع الكلمات العامية والأمثال الشعبية وافيهات الأفلام والمصطلحات الجديدة. محتوى الموقع بواسطة مستخدميه.