هايبر ماركت مشهور ايام الثورة في مصر اتسرق وبقى ميم كل ما تقوم ثورة الناس تفتكر انه اتسرق
حظك ولا حظ كارفور ايام الثورة يا فقري
مقاول/ممثل مصري كان بيشتغل مع الجيش في مشاريع، وهرب منهم واشتهر مؤخرا بنشر تسريبات وفضايح فسادهم. المضحك في الموضوع ان كل الناس عارفه لكن مكانش في حد بيتكلم عنه من العامة واول مرة واحد منهم يطلع يتكلم عن الموضوع ده.
الموظف لمديره: والله لو ما اخدتش حقي منكوا لاعملكوا محمد علي
معناها طنش او سيبك منها... مش الفاكس اللي في المكاتب
بقولك، ما تيجي نروح السينما
فاكس يا عمي خلينا مانتخين هنا
لما تقول لحد امسك ودنك فيمسكها بالايد التانية بدل ما يمسكها بايده البعيدة. تقولها للناس اللي ما بتعرفش توصل للحلول البسيطة.
افيه من مسرحية مدرسة المشاغبين وقالها عادل امام لما كان في واحد بيعمل حاجات مقينة وهو عامل صغير
الدكتور جابلنا امتحان صعب واحنا صغيرين يا بيه ما نعرفش حاجة
رمز البيروقراطية. لما تروح تخلص اي ورق حكومي، معناها انك حتقابل مدام عفاف اللي مش حتخلصلك ورقك خالص.
روح اطلع لمدام عفاف في الدور التالت تاني باب على يمينك.
في الغالب لما تكون موافق على حاجة بتتناقشوا فيها. زي تمام كده.
فلان 1: هتنزل البضاعة علي الآجل، البضاعة اتباعت حتاخد فلوسك، متباعتش حتاخد البضاعة. تمام يا معلم؟
فلان 2: قشطة يا معلم
كلمة تُستخدم في الخناقات المصرية وأصلها عربي، فهى بالأصل «يا ألد أعدائي» واختصرتها العامية المصرية، بحسب ما نقلته «المصري اليوم» في أحد تقاريرها.
جرى ايه يا دلعادي؟ انتي مش عارفة انتي بتكلمي مين؟
لما متبقاش فاهم انجليزي ..او لما اللي قدامك يقول انجليزي بايظ خالص
مي: اي سبيك انجليش فيري ويل.
فؤاد: انجليزي ده يا مرسي؟
القاموس العصري للمواطن المصري. حرنكش هو مرجع الكلمات العامية والأمثال الشعبية وافيهات الأفلام والمصطلحات الجديدة. محتوى الموقع بواسطة مستخدميه.