لما حد يقترح عليك حاجة أنت بتحبها بس بتحاول تبعد عنها. اتقالت في فيلم يا أنا يا خالتي من خالتي نوسة محمد هنيدي لببلاوي حسن حسني لما كان بيقترح عليها يفصل لها فستان بإيده في بيته.
- باقول لك إيه ما تسيبك من الدايت دا وتعالى ناكل شاورما.
= أنت كدا بتجرجرني للرذيلة، وأنا الصراحة باحبها.
- ما تيجي نفوِّت المحاضرة دي ونروح نقعد عالقهوة؟
= أنت كدا بتجرجرني للرذيلة، وأنا الصراحة باحبها.
من فيلم سمير وشهير وبهير وهم في معرض العربيات لما رجعوا للسبعينات
لما حد يكون مشكك في قدراتك
- انت متأكد؟
-هو انا تلميذ
ممكن تقولها لو بتتكلم على حد بتحبه أو ليه مَعَزَّة خاصة عندك، وممكن برضه تقولها لو بتتكلم بسخرية عن حد بتكرهه. تنفع في الحالتين. قالها محمد هنيدي بشخصية خالتي نعيمة في مسرحية ألابندا لما كان بيكلم علاء ولي الدين عن فرح أخوه سامي، ابن الست اللي نعيمة بتكرهها.
- ما كنتش إنك صاحب أشرف.
= أيوة يا عم دا أشرف دا روحي روحي روحي وقلبي من جوة كدا.
- هو أنتِ مش بتحبي لمياء بجد؟
= لا إزاي... دي لميا دي روحي روحي روحي
لما تلاقي اتنين بيحبوا بعض وقارفينك بقصة حبهم العنيفة اللزجة. اتقالت في فيلم عسكر في المعسكر على لسان خِضر محمد هنيدي لسعدية خطيبته لقاء الخميسي لما كانوا متقابلين في غيط الدرة وولع بيهم.
- هي داليا اتخطبت؟
= آه وقاعدة تنزل صورها مع خطيبها كل شوية والحب ولع في الدرة عالآخر يعني.
ترند انتشر مؤخرا بعد ما في مهرجان غير معلوم المعالم. اسلام المرج بيتكرر كتير فبقى منتشر جدا.
- الا قولي يا اسمك ايه
= ها
- هو مين اللي هناك ده؟
= ده اسلام المرج
+ ومات الجميع من الضحك
لما حد يقولك حاجة وعايز يخوفك فتقول "خاف يا عيد يامي يامي يامي" على اساس انك اترعبت وخفت منه بس انت بتتريق عليه.
من فيلم عيال حبيبة قالها الفنان العظيم حسن حسني لما جيلبيرتو حب يخوفه.
لو خايف روح!
خاف يا عيد يامي يامي يامي...
انت جاي تهزر بقى...
لما تحصل حاجة وتبقى خايف تتفضح او حد يشمت فيك. كانت بتقولها كتير رجاء الجداوي في مسرحية الواد سيد الشغال عادل امام
لما تحبي تهزري مع واحدة عاملة انها رقيقة. قالتها فوزية في مسرحية سك على بناتك لعصمت اللي كان بيحبها ابوها فؤاد المهندس.
من مسرحية "سك على بناتك" لما ا. فتح الباب حب يتقدم لسوسو فكان بيشّكر في نفسه وبيقول ده انا جذاب وتقاطيعي مسمسة. تقاطيع وشه يعني
انت حلو انت؟
اه حلو وجذاب وتقاطيعي مسمسمة.
القاموس العصري للمواطن المصري. حرنكش هو مرجع الكلمات العامية والأمثال الشعبية وافيهات الأفلام والمصطلحات الجديدة. محتوى الموقع بواسطة مستخدميه.