لما تدخل مكان هادي واللي معاك يقولك متعملش صوت عشان محدش يحس بينا... تقوم انت منادي بعلو صوتك في المكان! قالها محمد هنيدي لما كان هربان مع العصابة و رايح يسرق مدير البنك
لما تروح مع صاحبك البيت بليل "في الغالب بيكون اسم ابوه زكريا"
- بقولك ايه براحة ومتعملش صوت واحنا داخلين الشقة اهلي نايمين جوا
- تقوم انت بعلوا صوتك تقوله... يا زكرياااا واحشني واحشني - متوقع ان ابوه هيصحي يهزأه-
لما حد يجي يحقق معاك و مفكرك شخص خطر و انت اصلا شخص تافه جدا بتخاف من خيالك
قالها محمد هنيدي في وش اجرام لما الظابط كان بيحقق معاه
قاعد مع صاحب ابوك الشخصيه الجاده اوي ديه بتشربوا سجاير سوا يقوم يقولك اول مره شربت سجاير امتى؟ -متوقع تقوله في الكلية- تقوم تقوله يعني تاني اعدادي تالته اعدادي في الرنج ده
من فيلم الناظر صلاح الدين، لما يبقى حد قاعد يقولك ألغاز تدخل عليه بالافيه ده
ايه يا عم الألغاز دي؟ هتقولهوملي نيلي نيلي هقولهملك شاريهان شاريهان
اتنين قاعدين بيحبوا في بعض طول الوقت و بتحصل حوليهم مصايب و هما مش حاسين من كتر ما هما مركذين مع بعض بس
لما تكون قاعد تحب في التليفون و فجاه تلاقي القهوه اللي علي النار فارت و انت مش واخد بالك ... تقوم امك مهزءاك و تقولك الحب ولع في الدرة
ديه بتسخدم لما تكون مسافر بره مصر و تعرف المصري من شكله من بين كل الناس كأنه مكتوب على وشه مصري ... فتشوفه من بعيد و تقول طه برضوا طه
ديه كانت من فيلم محمد هنيدي وش إجرام ، كان متنكر و عامل نفسه لاعب كرة سلة و جمال عيد برضع عرفه و قاله ايه الي انته عامله في نفسك ده يا طه ، و محمد هنيدي ينكر و هو يقوله طه برضوا طه
كلمة استخدمها مسلسل خلصانة بشياكة في وصف الخولات "المثليين يعني".
انت رنبو يا لا!
لما حد يقترح عليك حاجة أنت بتحبها بس بتحاول تبعد عنها. اتقالت في فيلم يا أنا يا خالتي من خالتي نوسة محمد هنيدي لببلاوي حسن حسني لما كان بيقترح عليها يفصل لها فستان بإيده في بيته.
- باقول لك إيه ما تسيبك من الدايت دا وتعالى ناكل شاورما.
= أنت كدا بتجرجرني للرذيلة، وأنا الصراحة باحبها.
- ما تيجي نفوِّت المحاضرة دي ونروح نقعد عالقهوة؟
= أنت كدا بتجرجرني للرذيلة، وأنا الصراحة باحبها.
لما تلاقي اتنين بيحبوا بعض وقارفينك بقصة حبهم العنيفة اللزجة. اتقالت في فيلم عسكر في المعسكر على لسان خِضر محمد هنيدي لسعدية خطيبته لقاء الخميسي لما كانوا متقابلين في غيط الدرة وولع بيهم.
- هي داليا اتخطبت؟
= آه وقاعدة تنزل صورها مع خطيبها كل شوية والحب ولع في الدرة عالآخر يعني.
لما تلاقي حد اسمه غريب وتقلش عليه
برعي: اسمي برعي
الموظف: اسمك ايه؟ برعي برعي! حساسية يعنى ولا صحيت لقيت نفسك برعي!
القاموس العصري للمواطن المصري. حرنكش هو مرجع الكلمات العامية والأمثال الشعبية وافيهات الأفلام والمصطلحات الجديدة. محتوى الموقع بواسطة مستخدميه.