كلمة استخدمها مسلسل خلصانة بشياكة في وصف الخولات "المثليين يعني".
انت رنبو يا لا!
لما حد مستواه متواضع يقرر يتعوج عليك أو ينكر أصله، ممكن تستخدم معاه الجملة دي.
قالها محمد هنيدي بشخصية خالتي نعيمة في مسرحية ألابندا عن أمه اللي هي بتكرهها عشان بتعاملها وحش.
- دي شيماء اتغيرت خالص حتى طريقة كلامها ولبسها.
= شكلها نسيت أصلها وهتعمل بنت ناس بنت بتاعة الجزر.
لما حد يقترح عليك حاجة أنت بتحبها بس بتحاول تبعد عنها. اتقالت في فيلم يا أنا يا خالتي من خالتي نوسة محمد هنيدي لببلاوي حسن حسني لما كان بيقترح عليها يفصل لها فستان بإيده في بيته.
- باقول لك إيه ما تسيبك من الدايت دا وتعالى ناكل شاورما.
= أنت كدا بتجرجرني للرذيلة، وأنا الصراحة باحبها.
- ما تيجي نفوِّت المحاضرة دي ونروح نقعد عالقهوة؟
= أنت كدا بتجرجرني للرذيلة، وأنا الصراحة باحبها.
من فيلم سمير وشهير وبهير وهم في معرض العربيات لما رجعوا للسبعينات
لما حد يكون مشكك في قدراتك
- انت متأكد؟
-هو انا تلميذ
لما حد يوصل لك معلومة عن طريق حد تاني هو واخده محل ثقة بدون أي مبرر. أصلها في فيلم صعيدي في الجامعة اﻷمريكية لما عبلة غادة عادل قالت لخلف محمد هنيدي إن سراج هاني رمزي قال لها إن أحمد فتحي عبد الوهاب متراقب من أمن الدولة.
- أنت جبت الكلام دا منين يا ابني؟
= شريف قال لي.
- وشريف دا رئيس مراجيح مولد النبي يعني؟
ممكن تقولها لو بتتكلم على حد بتحبه أو ليه مَعَزَّة خاصة عندك، وممكن برضه تقولها لو بتتكلم بسخرية عن حد بتكرهه. تنفع في الحالتين. قالها محمد هنيدي بشخصية خالتي نعيمة في مسرحية ألابندا لما كان بيكلم علاء ولي الدين عن فرح أخوه سامي، ابن الست اللي نعيمة بتكرهها.
- ما كنتش إنك صاحب أشرف.
= أيوة يا عم دا أشرف دا روحي روحي روحي وقلبي من جوة كدا.
- هو أنتِ مش بتحبي لمياء بجد؟
= لا إزاي... دي لميا دي روحي روحي روحي
مثل شعبي ترجع قصته إلى مسار قطار القاهرة - الإسكندرية. عشان بنها على مسافة قريبة من القاهرة فكانت أولوية الجلوس للي نازل بنها ولما ينزل حد تاني يقعد مكانه. مع مرور الوقت بقت الناس بتستهبل وتقول إنها نازلة بنها عشان تقعد على الكرسي وهم أصلًا مش نازلين بنها. فبقت جملة "عامل من بنها" كناية عن الاستهبال.
-هو فلان ما بيشتغلش معانا ليه في المشروع دا؟
= لا يا عم دا عامل من بنها
-
-سعاد لسة ما دفعتش فلوس الجمعية بقى لها شهرين.
= آه، أصلها قبضت دورها وبعد كدا خلعت وعملت من بنها.
لما تلاقي اتنين بيحبوا بعض وقارفينك بقصة حبهم العنيفة اللزجة. اتقالت في فيلم عسكر في المعسكر على لسان خِضر محمد هنيدي لسعدية خطيبته لقاء الخميسي لما كانوا متقابلين في غيط الدرة وولع بيهم.
- هي داليا اتخطبت؟
= آه وقاعدة تنزل صورها مع خطيبها كل شوية والحب ولع في الدرة عالآخر يعني.
من فيلم بوحة الصباح
لما تدخل على صحابك في قعدة
لما تحب تتريق على حد مفكر انه بيتكلم انجليزي او لغة تانية وطلع مبيعرفش يتكلم اللغة دي. قالها يونس شلبي في مسرحية مدرسة المشاغبين لمرسي الزناتي لما كان عامل انه بيتكلم انجليزي
واحد بيستظرف: زس از سبارطاااااا
صاحبه: انجليزي ده يا مرسي؟
القاموس العصري للمواطن المصري. حرنكش هو مرجع الكلمات العامية والأمثال الشعبية وافيهات الأفلام والمصطلحات الجديدة. محتوى الموقع بواسطة مستخدميه.